Ecrã de busca

Jabuli 3

-Lega me odiko ma nyuto gen i kom Lubaŋa*

1Ai Rwot, lukworra gitye mapol,

gipol mada ma giero lweny i koma.

2Giloko lok i koma ma giwacci,

“Lubaŋa pe twero laro en!”

3Ento in, ai Rwot, in kwot ma gwoka ki i gin marac;

in imiya abedo ki deyo, dok imiya tekcwiny bene.

4Akok bot Rwot matek,

ci en gamo ki i wi got mere maleŋ.

5Abuto piny anino woko,

dok aco aa malo ma koma yot,

pien Rwot gwoka.

6Pe alworo jo alip apar

ma guruma woko dyere pi lweny i koma.

7Bin, ai Rwot!

Lara do, ai Lubaŋana!

In aye ma idoŋo lem lukworra woko ducu,

ituro lak jo maraco woko liweŋ.

8Lar a ki bot Rwot;

mi gummi obed i kom joni!

Baibul 1985

© 1985 The Bible Society of Uganda

More Info | Version Index